Шведската пливачка Сара Сјостром освои златен медал во пливање на 100 метри слободен стил на Олимписките игри во Париз.
Легендарната шведска натпреварувачка ги надмина своите конкуренти, завршувајќи ја трката за 52.16 секунди и остана на 20 стотинки од олимпискиот рекорд во дисциплината – 51.96, дело на шампионката од Токио, Ема Меккион од Австралија.
За 30-годишната Сјостром, која е рекордерка со 23 индивидуални медали од светски првенства во пливање, ова беше прва олимписка титула во Париз, а вкупно петти олимписки медал во кариерата.
Американката Тори Хаски го освои сребрениот медал со резултат од 52.29 секунди, а претставничката на Хонг Конг, Сиобан Бернадет Хауи, олимписка вицешампионка од Токио пред три години, го освои бронзениот медал со 52.33 секунди.
