По две години пауза, се очекува враќање на легендарниот Феликс Магат. Германските мериуми најавуваат дека 71-годишниот стратег е најсериозен кандидат за нов тренер на третолигашот Унтерхахинг.
Магат последниот ангажман го имаше во Херта Берлин, од каде што си замина во јуни 2022 година. Потоа повеќе од две години е без ангажман, но очигледно не сака да замине во пензија.
🚨FELIX #MAGATH BIENTÔT DE RETOUR SUR LES BANCS !
Le légendaire coach de 71 ans est favori pour le banc d’Unterhaching (3. Liga) !
Son dernier poste : entraîneur du Hertha BSC en juin 2022
Le Grand Felix 👑
ℹ️ @SkySportDE 🇩🇪 pic.twitter.com/kDFrjtozef
— Unser Fußball (@unserfussball) December 29, 2024
Магат се запиша во историјата на Бундеслигата како тренерот кој успеа со Волфсбург да стигне до титулата во сезоната 2008/09. Претходно тој двапати беше првак и со Баерн Минхен, а со баварскиот гигант има два трофеја во Купот на Германија и еден пехар во Лига купот.
Дури трипати бил прогласуван за најдобар тренер во Германија, а бил предводник и на Херта, Шалке, Штутгарт, Хамбург, Фулам и Луненг. Сега ќе има голем предизвик во Унтерхахинг, тим кој има серија лоши резултати и падна на последното место на табелата во третата лига само со 14 бода, шест бода помалку од екипите кои се во зоната за спас.
