Поранешниот италијански фудбалер Џорџо Кјелини влегува во тренерски предизвик. Искусниот дефанзивец и официјално е промовиран како дел од стручниот штаб на екипата на Лос Анџелес.
Играчката кариера Кјелини ја заврши токму во тимот на Лос Анџелес, за којшто одигра 18 мечеви пред да се повлече од активното играње.
„Многу сме благодарни што Кјелини прифати последните мечеви во својата кариера да ги одигра за нашиот тим и тука да ја заврши играчката кариера. Во тој период што го помина тука, покажа колку е добар и значаен за Лос Анџелес и затоа останува дел од тимот, овојпат како дел од тренерите“, истакнаа од тимот на Лос Анџелес.
📰 Legendary defender and former #LAFC player Giorgio Chiellini will remain with LAFC as a Player Development Coach.
🔗 https://t.co/qpgB2fP2so pic.twitter.com/FFNChsd6mL
— LAFC (@LAFC) January 16, 2024
Кјелини во кариерата играше за Фиорентина, Ливорно, Јувентус и Лос Анџелес. Најголемите успеси ги имаше како дел од тимот на Јувентус. Долги години беше и стандарден член на италијанската репрезентација.
