Легендарниот шпански тенисер, Рафаел Надал, важи за голем навивач на Реал Мадрид, па беше запрашан за случувањата во „кралскиот“ клуб, но и за односот на Чаби Алонсо и Винисиус.
„Верувам дека ова се решава со дијалог, со разбирање од сите страни. Мислам дека Вини треба да разбере кој е авторитетот и да го почитува, како и клубот, поради сè што значи да се биде играч на Реал Мадрид. Но верувам дека тој го прави тоа во неговиот стремеж да го дава најдоброто од себе, а тие негови реакции, кои понекогаш не им се допаѓаат на луѓето, можат да се коригираат преку дијалог и свесност дека работите можат да се подобрат.“ – вели Надал.
