Барселона загуби со убедливи 3-0 од Челзи во Лигата на шампионите, а Ламин Јамал практично не одигра ништо на тој меч. Токму овој пораз и лошата игра на Јамал беше повод свој став да изнесе и еден од најдобрите Бразилци на сите времиња, Ривалдо.
„Ламине против Челзи не беше успешен, бидејќи добро го чуваа. Во такви случаи мора да има повеќе опции во играта, повеќе разноликост. Не може да игра само на десната страна и да ги повторува истите потези. За вештините кои ги има, тоа е премалку за него. Кога ќе се соочи со дефанзивци кои добро го познаваат, како што беше случај против Челзи, лесно е да го сопреш.“ – рече Ривалдо во својата анализа.
