Италија претрпе нов огромен неуспех во обидот да стигне до пласман на Светското првенство, а медиумите повторно ја потсетија јавноста на „пророштвото“ на легендарниот Роберто Баџо. Уште во 2011 година тој предупреди дека за италијанскиот фудбал доаѓаат тешки времиња.
Сега Аѕурите не успеаја да се пласираат на трет последовен Мундијал, а неуспешни беа и нивните настапи на претходните два на кои сепак учествуваа, Светското првенство 2010 и Светско првенство 2014, каде што беа елиминирани уште во групната фаза.
Неколку недели по фијаското на Мундијалот 2010, Баџо беше назначен за претседател на техничкиот сектор на Италијанска фудбалска федерација. Во декември 2011 година тој претстави извештај од 900 страници, насловен „Обновување на иднината“, во кој предложи сеопфатна реформа на системот за развој на таленти во Федерацијата.
Сепак, на 23 јануари 2013 година, Баџо поднесе оставка од функцијата, истакнувајќи дека Федерацијата ги игнорирала неговите идеи за подобрување на системот и за поголем фокус кон младите таленти, што го натерало да се повлече.
🔥 ROBERTO BAGGIO AVEVA RAGIONE DA 15 ANNI 🔥 Nel 2011 scrisse 900 pagine per salvare il calcio italiano. Un piano rivoluzionario, ignorato da chi non ha mai capito davvero questo sport.
— The Little Satoshi News (@TheRiser100x) April 1, 2026
📍 100 distretti di scouting in tutta Italia 🎓 Allenatori preparati, non improvvisati… pic.twitter.com/aQZQ6ijTEw
Клучни акценти во неговата програма тогаш беа теми како: „Целосна реформа на италијанските академии и клубови“, „Национална програма за млади напаѓачи“, „Реформа во едукацијата на тренерите“, „Модернизација на скаутингот инспирирана од шпанскиот и холандскиот модел“ и други.
Во овој период Италија сепак бележеше солидни резултати на европските првенства, каде што стигна до две финалиња (ЕП 2020 – шампион, ЕП 2012 – сребро), четвртфинале (ЕП 2016) и осминафинале (ЕП 2024).
