Еден од најдобрите неамерикански кошаркари Луис Скола конечно реши да стави крај на кариерата. Скола, кој во април ќе наполни 42 години, реши да се повлече од активното играње и веднаш доби нова работа. Аргентинецот е поставен за извршен директор на италијанскиот прволигаш Варезе.
Токму Варезе беше последниот клуб за којшто играше Скола, и тоа само една сезона. Во 28 меча, Скола во петата деценија од животот имаше просек од 17,8 поени по натпревар. Во две и пол децениската кариера, Скола помина голем број клубови, а најдолго се задржа во Тау Керамика (од 1998 до 2007 година). Играше и во НБА, и тоа за екипите на Хјустон, Феникс, Индијана, Торонто и Бруклин.
Со Аргентина, Скола стигна до златото на Летните олимписки игри во Атина во 2004 година, а беше и бронзен на ЛОИ во Пекинг четири години подоцна. Има и две сребрени медали од Светските првенства во 2002 година во Индијанаполис и од Кина пред две години.
