Премиерлигашките легенди Гери Невил и Џејми Карагер во анализа за „Скај спорт“ објавија дека според нив, Манчестер јунајтед купил само двајца играчи од 2013 година досега што ги оправдале вложените пари, а тоа се Златан Ибрахимовиќ и Бруно Фернандеш.
На долгата листа кај гигантот што е во тешка криза и стартуваше со два порази во новата сезона има дузина фудбалери што апсолутно разочарале и седуммина што биле просечни, но сепак нивниот ангажман не е дебакл за клубот.
https://twitter.com/sportbible/status/1559247880514420738?s=20&t=Ln04JXZUhRF83Nb2DZxqpA
Меѓу седмуте просечни е и Кристијано Роналдо, а тука се и Кавани, Шо, Ерера, Фред и на големо изненадување и Хари Мегваер.
Стоперот беше платен околу 80 милиони евра што легнаа на сметката на Лестер, а Мегваер е човекот што со невидени киксови и потези најмногу ги нервира навивачите на Црвените ѓаволи, па се очекуваше на црвената листа.
Таму и означени како големи утки се Ромелу Лукаку, Пол Погба, Алексис Санчес, Рафаел Варан, Анхел ди Марија… односно играчи што освојувале титули со други екипи, но не и со Јунајтед.
