Лос Анџелес лејкерс и Портланд ноќеска ќе го играат четвртиот меч од првото коло на плејофот во НБА-лигата. Лејкерс води со 2:1, а тимот од ЛА само за овој меч подготви специјални дресови.
Лејкерс ќе игра во црни дресови и тоа ќе биде во чест на легендарниот Коби Брајант, кој на почетокот на годинава загина во хеликоптерска несреќа. Денешниот ден 24 август е со посебно значење затоа што тоа е 24.08, а ги означува двата броја кои Коби ги носеше во текот на целата кариера.
На дресовите ќе стои и бројката 2 во бело срце. Тоа е бројот кој во кариерата го носеше Џиџи Брајант, ќерката на Коби, која исто така загина во хеликоптерската несреќа.
Tonight is about family. It’s Game Day, Lakers Nation. pic.twitter.com/gFNhcVnEPL
— Los Angeles Lakers (@Lakers) August 24, 2020
