Лос Анџелес лејкерс ќе го повлечат дресот со број 99 на првата вистинска и голема ѕвезда во НБА-лигата, Џорџ Мајкан, а тоа ќе го сторат на дуелот со Минесота тимбервулфс на 30 октомври.
Мајкан, кој има хрватски корени, играше 7 сезони за тогашните Минеаполис лејкерс и освои пет шампионски круни, а за него се менуваа и правилата во НБА поради доминацијата под обрачите.
Мајкан го одигра последниот меч пред 66 години, а со висината од 208 сантиметри доминираше во НБА.
За него велат дека е предвесник на модерните центри од калибарот на Вилт Чембрлен, Бил Расел, Карим Абдул Џабар, Шекил О`Нил, Давид Робертсон… и првата вистинска НБА-ѕвезда.
5x Champion, All-Star, MVP, and the man behind the Mikan Drill.
On October 30th we celebrate Mr. Basketball. pic.twitter.com/ydUOggbOFQ
— Los Angeles Lakers (@Lakers) September 21, 2022
Постхумно 17 години од смртта, Лејкерс ќе му оддадат почест на Мајкан, кошаркар за кого се менуваа правилата во НБА.
Поради големата доминација под обрачите, воведено е правилото за слегувачка патека при шут кон кошот, потоа и проширен е рекетот, а воведено е и ограничување на нападите.
Мајкан е првиот кошаркар во НБА што постигнал над 10.000 поени, а тоа го стори при кусиот камбек во лигата во 1956 година.
