Во клучниот дел од сезоната, Лос Анџелес лејкерс игра најлошо. Тимот од „Стејплс центар“ загуби на свој терен од Њу Орлеанс со 111:114, што е петти неуспех во низа за најтрофејниот клуб во НБА историјата.
Ова беше директен дуел на два тима кои се борат за разигрување пред плејофот, а Њу Орлеанс со оваа победа веќе е на чекор од осигурување на едно од првите 10 места на Западот со биланс од 34 победи и 43 порази. Лејкерс падна на 11-тата позиција и сега има 31 победа и 46 порази.
Леброн Џејмс одигра одличен меч со 38 поени, осум скока и четрии асистенции, но на крајот промаши шут за тројка со кој можеше да го израмни резултатот. Сега е се поизвесно дека сезоната на Лејкерс може да заврши уште следната недела и тимот воопшто да не биде во приказната наречена НБА плејоф.
Да биде уште полошо за Лејкерс, Леброн по мечот најави дека има повреда и дека дефинитивно ова беше последниот меч за него сезонава.
I’m out for the season officially. 🤦🏾♂️. See y’all in the fall. 👑✌🏾
— LeBron James (@KingJames) April 1, 2022
Резултати: Орландо – Торонто 89:102, Вашингтон – Далас 135:103, Бостон – Индијана 128:123, Хјустон – Сакраменто 117:122, Мемфис – Феникс 122:114, Милвоки – ЛА Клиперс 119:153, Оклахома – Детроит 101:110, Сан Антонио – Портланд 130:111, Денивер – Минесота 130:136, ЛА лејкерс – Њу Орлеанс 111:114.
