Кавај Ленард неколку часа пред почетокот на мечот на неговите ЛА клиперс против Торонто потпиша нов договор и потоа беше најпрецизен во победата на својот тим од 126:120.
Ленард синоќа потпиша нов тригодишен договор со Клиперси, во кои пристигна во 2019 година, за што ќе заработи 153 милиони долари, а потоа постигна 29 поени во триумфот на својот тим.
Одличен беше и Пол Џорџ, кој исто така даде 29 поени за Клиперси, кои со учинок од 24 победи и 13 порази се наоѓаат на четвртото место на табелата во Западната конференција.
Кошаркарите на Голден стејт вориорс одиграа уште еден лош меч и загубија од Њу Орлеанс пеликанс со 141:105, поради што беа исвиркани од сопствените навивачи.
За тоа колку Голден стејт игра очајно сезонава, најдобро покажува податокот дека во првата четвртина Њу Орлеанс постигна дури 46 поени.
Навивачите на Воините разочарани од игрите на нивните миленици, во текот на последната четвртина ја напуштија салата, а голем дел од тие што останаа ги исвиркуваа кошаркарите.
„Исвиркани сме и го заслуживме тоа“, изјави тренерот на Голден стејт, Стив Кер. Првата ѕвезда на екипата, Стеф Кари постигна за него скромни 15 поени, додека Клеј Томпсон беше уште полош и даде само 13 поени, додека листата на стрелци кај Њу Орлеанс ја предводеше Јонас Валанчиунас со 21 поен.
Никола Јокиќ одигра одличен меч со кој влезе во историјата на НБА-лигата, но неговиот Денвер нагетс загуби од Јута џез со 124:111.
Јокиќ мечот го заврши со 27 поени и 11 скокови и стана најмладиот кошаркар во историјата на НБА-лигата кој дошол до 13.000 поени, 6.000 скокови и 4.000 асистенции соборувајќи го рекордот на Леброн Џејмс.
https://twitter.com/i/status/1745292089905025416
Резултати: Бостон – Минесота 127:120 (прод.), Шарлот – Сакраменто 98:123, Детроит – Сан Антонио 108:130, Индијана – Вашингтон 112:104, Атланта – Филаделфија 139:132 (прод.), Мајами – Оклахома сити 120:128, Чикаго – Хјустон 124:119 (прод.), Голден стејт – Њу Орлеанс 105:141, Јута – Денвер 124:111, ЛА клиперс – Торонто 126:120.
