Еден од најдобрите голгетери во светот во последните 15-тина години, Роберт Левандовски, најави дека не ја исклучува можноста да ја заврши кариерата следното лето. Полскиот напаѓач има актуелен договор со Барселона до крајот на сезоната, па доколку не потпише нов договор со Каталонците, може да рече и збогум на активното играње, тврди „Спорт“.
Првичните најави се дека челниците на Барселона не планираат да му понудат нов договор на Левандовски, кој сезонава игра одлично. На последниот меч, на гости кај Селта Виго, популарниот Лева постигна хет-трик и беше најзаслужен за триумфот на актуелниот шпански првак.
: Robert Lewandowski is considering retirement if Barcelona don’t offer him a contract renewal.
The 37-year old has been linked to a number of clubs but is thinking about calling it a day on his career.
(Source: @sport) pic.twitter.com/MsHRFGff6a
— Transfer News Live (@DeadlineDayLive) November 11, 2025
Секако, Левандовски ќе има и други понуди во текот на летото, а се чини сигурно дека клубовите од Саудиска Арабија и САД ќе се обидат да го привлечат. Според шпанските медиуми, напаѓачот не е фасциниран од трансфер на Блискиот Исток. Преселба во друг клуб во Европа би го задоволила само ако му даде шанса да се натпреварува на највисоко ниво без неговото семејство да мора да се сели.
Во таа смисла, шпекулираниот интерес од Атлетико Мадрид би можело да има смисла за Полјакот. Милан и Манчестер јунајтед исто така се поврзуваат со поранешниот напаѓач на Баерн Минхен.
