Полскиот интернационалец Роберт Левандовски би можел да го следи примерот на Марко Ројс и да ја продолжи кариерата во САД. За него е заинтересиран ЛА галакси, тимот од МЛС-лигата за кој потпиша и Ројс. Тие двајца своевремено беа соиграчи во Борусија Дортмунд, а ЛА галакси повторно сака да го обнови овој тандем.
Левандовски има договор со Барселона до следното лето, но клубот е расположен да го продаде поради неговата возраст и високата плата. Тој минатата сезона одигра 49 натпревари во сите натпреварувања и постигна 26 гола.
ЛА галакси веќе го обезбеди потписот на Марко Ројс, кој го одигра последниот натпревар за Борусија Дортмунд во финалето на Лигата на шампионите, каде што загуби од Реал Мадрид.
