Роберт Левандовски во интервју за еден полски јутјуб-канал потврди дека намерата му е да остане во Барселона и во следната сезона, а не се плаши од евентуалното доаѓање на Килијан Мбапе во ривалскиот Реал Мадрид.
Полскиот напаѓач посакува на утрешната ждрепка на четвртфиналето на ЛШ, Барса да се падне со неговиот ексклуб Борусија Дортмунд.
„Да се игра против Мбапе во Ла Лига ќе биде одлично. Доколку се случи овој трансфер, нема да се плашам и ќе го сфатам позитивно. Знам каде ќе играм следната сезона. Ќе останам во Барселона. Тешко е да се каже со кого би сакал да се паднеме во четвртфиналето, можеби со Дортмунд. Зарем не би било емотивно да се вратам таму како играч на Барселона?“, рече Левандовски кој четири години мина во Дортмунд, со тој клуб играше и финале на ЛШ.
