Полскиот голгетер Роберт Левандовски (34) има намера по Барселона, да игра во американската МЛС-лига и најверојатно таму и да ја заврши играчката кариера.
Дека е така, обелодени портпаролката на Фудбалската федерација на Полска, Моника Бондарович.
„Верувам дека Левандовски ќе ја избере Америка. Затоа и му организирав и водев интервјуа со него во американски медиуми. Името се гради однапред, пред да почнете да играте во таа земја, а не откако веќе сте таму“, рече Бондарович.
Леви има договор со Каталонците до летото 2026 година.
