Македонскиот репрезентативец Енис Барди многу веројатно дека ќе остане да игра во најсилната шпанска лига и во новата сезона. Барди во претходните пет години го носеше дресот на Леванте, клубот кој испадна од Примера дивисион.
Со испаѓањето на Леванте речиси е сигурно дека Барди ќе си замине од клубот, а има неколку заинтереснирани клубови за нашиот репрезентативец. Според шпанските медиуми, Алмерија е еден од најсериозните претенденти да го доведе Барди во своите редови.
Алмерија е екипа која со резултатите од минатата сезона успеа да се избори за влез во Примера дивисион, што значи дека ако се случи овој најавуван трансфер, Барди и следната сезона ќе остане да игра во Примера дивисион.
Освен Алмерија, името на Барди се споменува и со трансфер во Турција, а најзаинтересирани се Фенербахче и Трабзонспор.
