Енис Барди повторно го презентираше сиот сјај при изведувањето на слободните удари, постигна феноменален гол за победа против Хетафе, а Леванте на својот клупски профил има интересна анкета.
Прашањето е многу логично и се гласа за тоа дали Енис Барди е најдобриот изведувач на слободни удари во шпанската Ла Лига.
Македонскиот репрезентативец е скромен и одговори дека бодовите се најважни. Барди лани беше хит во најсилната лига во Европа, а за неговите слободни удари се говори со суперлативи и во шпанските медиууми, но и ширум Европа.
Лани имаше неколку страшни проектили со кои ги излудуваше голманите во Ла Лига, а и вчера против Хетафе потврди дека има топ во нозете и дека слободните удари му се уметност. Од 30-на метри Енис упати проектил што беше недостижен за голманот на Хетафе, Давид Сорија.
Очекувано, по мечот, Барди беше во фокусот, а во изјава за шпанската телевизија скромно рече дека бодовите се најважни за Леванте.
Погледнете ја изјавата на македионскиот репрезентативец.
SUPERFLASH | ¡Estas son las palabras de Enis Bardhi (@enisbardhi10) tras marcar uno de los mejores goles de @LaLiga! #LUDMedia #GetafeLevante pic.twitter.com/9sg6fcVooK
— Levante UD (@LevanteUD) October 6, 2018
