Двете водечки екипи во германската Бундеслига продолжуваат со мртвата трка за врвот на табелата. Баерн Минхен победи „само“ 1-2 на гостувањето кај Волфсбург, иако како што започна натпреварот, се чинеше дека Баварците ќе забележат многу поубедлива победа.
Мусијала во 33-тата минута го доведе Баерн во водство од 0-1, а Хари Кејн со својот 21-ви првенствен гол во 43-тата минута зголеми на 0-2. Домашните до крајот на првото полувреме намалија на 1-2 преку Арнолд, што на крајот се покажа и како конечен резултат на овој натпревар.
Бундеслигашкиот лидер Баер Леверкузен немаше милост за Бохум и го победи со убедливи 4-0. Победникот беше познат уште по првото полувреме, по кое Фармацевтите имаа убедлива предност од 3-0.
И по ова коло нема промени на табелата во Бундеслигата. Баер Леверкузен е лидер со 42 бода, четири повеќе од второпласираниот Баерн Минхен, кој има и натпревар помалку.
Резултати:
Унион Берлин – Келн 2-0
Баер Леверкузен – Бохум 4-0
Ајнтрахт Франкфурт – Борусија Менхенгладбах 2-1
Хајденхајм – Фрајбург 3-2
Штутгарт – Аугсбург 3-0
Волфсбург – Баерн Минхен 1-2
