6706 Ал-Ахли – Реал Мадрид (20.00 часот)
Египетскиот тим и африкански гигант до полуфиналето на Светското клупско првенство дојде благодарение на победите над Оукленд сити (првак на Океанија) и Сиетл саундерс (првак на Северна Америка), мечеви на кои не прими гол. Реал Мадрид е голем фаворит на хартија, иако е ослабен со неиграњето на Куртоа, Менди, Милитао и Бензема, а ќе ги нема и Азар и Лукас Васкес. Реал е во криза, па кикс и против Ал-Ахли би бил голем удар врз актуелниот европски шампион. Последен неевропски клуб кој го освои ова натпреварување беше бразилски Коринтијанс во 2012 година, а прв финалист е Ал-Хилал, кој го шокира Фламенго.
Предлог тип: Х-2 (3.90)
1154 Сандерленд – Фулам (20.45 часот)
На 28 февруари во Лондон, овие екипи одиграа 1-1, па затоа вечерва повторениот дуел од ФА купот ќе се игра во Сандерленд и ќе мора да има победник, макар и да се решава на пенали. Тој што ќе се пласира во осминафиналето, таму за противник ќе го има Лидс, и тоа на домашен терен. Последните три гостувања на Фулам кај Сандерленд беа во мечеви со 0-1 гол, но ако не се смета овој прв куп-меч од пред две недели, последен пат играле пред пет сезони.
Предлог тип: Х2 & 1-3 (1.98)
2852 Бохум – Борусија Д. (20.45 часот)
Ова е осминафинален меч од Купот на Германија, а до оваа фаза двата тима дојдоа без примен гол. Викендов во Бундеслигата, и Бохум и Борусија дадоа по пет гола, Бохум има мини-серија од два меча по ред со 7+ погодоци. Дортмунд во 2023 година реди само победи, на сите мечеви во новата година дадоа барем два гола. Бохум дома 16 години нема победа во официјален меч против Борусија, а севкупно последниот дуел им беше во ноември минатата година во Дортмунд, меч кој заврши со 3-0 за Милионерите.
Предлог тип: ГГ & 3+ (1.85)
1001 Манчестер ј. – Лидс (21.00 часот)
Манчестер јунајтед со победа над Лидс ќе се изедначи со градскиот ривал Сити. Лидс одамна не победил, го смени тренерот и аутсајдер е на ова гостување. Јунајтед на претходните четири меча во Премиер лигата и даваше и примаше гол, додека Лидс во претходните две рунди не успеваше да постигне гол. Домашните се без Каземиро, Антони, Ериксен, Гринвуд, Марсијал, а кај Лидс ќе ги нема Родриго, Греј, Далас. Традицијата е на страна на Црвените ѓаволи, Лидс нема лигашка победа над нив уште од 2002 година, а на „Олд Трафорд“ никогаш не победиле откако англиското првенство се вика Премиер лига.
Предлог тип: Т1 1+I& 1+II (2.12)
2864 Марсеј – ПСЖ (21.10 часот)
Ждрепката за осминафиналето на францускиот куп беше немилосрдна, сакаше ривалите Марсеј и ПСЖ да се сретнат уште во оваа фаза, па сигурно е дека нема да има штедење на силите, туку двата тима ќе сакаат да победат во оваа класика. За Марсеј треба да е добро што мечот се игра на „Велодром“, иако дома цели 12 години не го победиле ПСЖ. Кај гостите ќе го нема Мбапе, но и вака тие се благи фаворити.
Предлог тип: Х2 & 1-3 (2.40)
