Селекторот на репрезентацијата на Лихтенштајн, Мартин Штокласа, го објави списокот на фудбалери на кои ќе смета за дуелот против Македонија на 8 октомври и средбата против Исланд, која е закажана за 11 октомври. Ова се дуели од квалификациите за пласман на Светското првенство кое следната година ќе се игра во Катар, а Македонија е со реални шанси за пласман на завршницата.
По шест кола, Лихтенштајн е последен само со еден бод освоен во последното коло на гости кај Ерменија (1:1), додека Македонија освои девет бода и е на четвртата позиција, со два помалку од втората Естонија. Македонија и Естонија играа во Скопје во март оваа година, а наштата репрезентација победи убедливо со 5:0.
Во составот на Лихтенштајн нема поголеми промени од тој тим што го победивме убедливо пред половина година, па реално, избраниците на селекторот Благоја Милевски треба да атакуваат на трите бода на теренот на стадионот „Рајнпарк во Вадуз.
Во составот на Лихтенштајн се најдоа следните 24-ица играчи:
ГОЛМАНИ: Б. Бухел, Ло Русо, Мајер.
ОДБРАНА: Брандл, Гопел, Груненфелдер, Хофер, Кауфман, Малин, А. Максер, М, Максер, Спириг, С. Волфингер, Јилдиз.
СРЕДЕН РЕД: М. Бухел, Фромелт, Хаслер, Мејер, Селе, Ф. Волфингер.
НАПАД: Н. Фрик, Ј. Фрик, Кардезоглу, Салановиќ.
