Демиен Лилард со 71 поен го предводеше Портланд трејлблејзерс до победа над Хјустон рокитс од 131-114, во меч за паметење поради изданието на ѕвездата на Пионерите.
Лилард погоди дури 13 тројки (од 22 обиди), што е втор најголем скор во историјата на НБА, и стана осмиот во историјата со 70 или повеќе поени, а прв кој на еден ист меч имал барем 70 поени, 10 тројки и по пет скока и асистенции. И сето тоа за 39 минути на терен.
Во првото полувреме Лилард даде 41 поен и најави дека ова е негова вечер. Лилард сега има пет меча во кариерата со 60 или повеќе поени, а со 32 години тој е најстариот што уфрлил 70 поени на еден меч во НБА и прв што дал 70 поени за помалку од 40 минути игра.
Никола Јокиќ направи трипл-дабл од 40 поени, 17 скока и 10 асистенции, а кога тој има двоцифрен ефект во трите најважни статистички категории, Денвер сезонава секогаш победува (23-0). Нагетс славеа со 134-124 против ЛА клиперс, и тоа по продолжение.
2nd-most 3PM in a game in NBA history (13)
8th player to score 70+ PTS in a single game (71)
The first player in NBA history with 70+ PTS, 5+ REB, 5+ AST and 10+ 3PM in a single game…What a night for Damian Lillard 🔥 pic.twitter.com/8MMHxePNUu
— NBA (@NBA) February 27, 2023
