Експедицијата на фудбалскиот клуб Валенсија наместо со авион, реши со воз да отпатува во Мадрид каде попладнево треба да му гостува на Реал во меч од шпанската лига.
Во тимот на Лилјаците е и македонскиот голман Столе Димитриевски кој најверојатно ќе биде резерва и нема да брани како на првиот меч против Реал игран на „Месталја“ на кој му одбрани пенал на Белингам и изнуди црвен картон на Винисиус.
Валенсија 17 години нема победа на „Сантијаго Бернабеу“, нивна најдолга црна серија во клупската историја. Во актуелниот состав на Лилјаците, само Луис Риоха има победа против Реал во Мадрид, а и тој нема да игра денеска поради суспензија.
