Најдобрата македонска тенисерка, Лина Ѓорческа, најверојатно во ноќта понеделник кон вторник, ќе игра во првото коло од квалификациите на САД опен и тоа против Аргентинката Хулија Риера.
Риера која има 22 години, се наоѓа на 122-рото место на ВТА листата и е 19-та носителка во квалификациите.
За Ѓорческа ова ќе биде повторување на успехот од 2017 година кога истотака настапи во квалификациите на сите четири гренслем турнири во годината. На терените на „Флешинг Медоус“, Ѓорческа имаше настапи во квалификациите во 2016, 2017 и 2018 година, а во својот последен настап беше дел и од втората рунда од квалификациите. Ѓорческа во моментов се наоѓа на 193-тото место на ВТА листата.
Ако ја совлада Риера, во второто квалификациско коло Македонката ќе игра со Миријам Булгару од Романија или Ана Коњух од Хрватска.
