Најдобрата македонска тенисерка Лина Ѓорческа обезбеди пласман во полуфиналето на ИТФ турнирот во Куршумлиска бања (Србија), по одличен пресврт против Русинката Анастасија Золотарева.
Ѓорческа загуби во првиот сет со 6-4 во гемови, но успеа целосно да се врати во натпреварот и да го добие вториот сет со 6-2. Во третиот и одлучувачки сет, Ѓорческа ја покажа својата ментална цврстина и триумфираше со 6-4, осигурувајќи си место меѓу најдобрите четири на турнирот.
Во борбата за финале, македонската тенисерка ќе се соочи со тенисерката од Казахстан, Гозал Ајзада Куламбајева.
