Претседателот, Џо Бајден, лично ќе му го додели најголемото граѓанско признание на САД – претседателскиот медал на слободата, на Лионел Меси за неговите заслуги. Ова големо признание ќе го добијат вкупно 19 заслужни граѓани на САД, а освен Меси, спортист кој ќе биде одликуван оваа година е и легендарниот кошаркар, Меџик Џонсон.
Освен Меси и Џонсон, признанието ќе го добијат уште 17 граѓани. Легендарниот Аргентинец во САД пристигна во 2023 година, кога направи трансфер од ПСЖ во Интер Мајами и е еден од најзаслужните за развојот и подемот на фудбалот во САД, земја која ќе биде една од организаторите на Светското првенство во 2026 година, заедно со соседите, Канада и Мексико.
