Алисон Бекер ќе брани за Ливерпул на големото дерби во Англија против Манчестер јунајтед викендов што следи откако комплетно ја санираше повредата на ложата на левата нога.
Алисон се повреди сам при обид за дегажман на мечот со Норвич на 9 август, па рехабилитацијата траеше малку повеќе од два месеци.
Во негово отсуство, сосема солидно бранеше Шпанецот Адриен, кој беше купен летово од Вест хем за да му биде резерва на Бразилецот.
Ливерпул е лидер во Премиер лигата со максимален учинок од 8 победи и 24 бодови, а најголемиот ривал Манчестер јунајтед има само 9 бода на 8 меча и е на 12-тата позиција.
Мечот ќе се игра на „Олд Трафорд“ во недела, на 20 октомври, од 17.30 часот.
