На Ливерпул не му цветаат рози оваа сезона во Премиер лигата, па раководството сериозно размислува за нови засилувања налето, иако веќе потрошија многу милиони кои не даваат резултат.
Арне Слот е воодушевен од бразилскиот интернационалец Андре, кој настапува како дефанзивен фудбалер од средниот ред. Тој во моментов е член на Вулверхемптон, екипа која од следната сезона најверојатно ќе игра во понизок ранг, секако, доколку не се случи некакво чудо.
Неговата вредност во моментов е 28 милиони евра, а само пред една и пол година, Волците го купија за 22 милиони евра од бразилскиот Флуминенсе.
Испаѓањето на Вулверхемптон само ќе му помогне на Ливерпул во намерата да го купи Андре, а планот на Црвените е да понудат малку повеќе од 30 милиони евра за неговите услуги, сума која би требало да ги задоволи барањата на Волците.
