Премиерлигашка стотка на Мане, втор хет-трик на Фирмино, Салах на осум меча по ред дава гол

Вотфорд не можеше да излезе на крај со разиграниот Мохамед Салах, па во дуелот со Ливерпул го претрпе најтешкиот пораз сезонава, од 0-5, додека за Црвените ова е најубедлива победа.

Салах веднаш покажа дека е расположен и со прекрасна асистенција му додаде на Садио Мане, а Сенегалецот даде гол и стана третиот африкански фудбалер после Дидие Дрогба и Салах со 100 гола во Премиерлигата. Ниту еден од овие 100 гола на Мане не е од пенал, а само тројца фудбалери во историјата на Премиерлигата имаат 100 или повеќе голови без погодок од белата точка.

Подоцна и Салах се запиша во листата на стрелците со фантастичен гол, па тој го стигна Дрогба на првото место на најефикасни Африканци во англиското првенство.

Освен Салах кој дава гол на осум меча по ред за Ливерпул, расположен беше и Бразилецот Роберто Фирмино, кој даде три гола и стана прв Бразилец со повеќе од еден хет-трик во Премиерлигата. Првпат сезонава на ист меч гол дадоа сите три напаѓачки ѕвезди на Ливерпул. Црвените привремено го презедоа врвот на табелата.

Ова е голот на Салах за 4-0, вреди да се погледне:

https://twitter.com/i/status/1449355350222807044

ПОВРЗАНИ ВЕСТИ

- Оглас -

Најнови вести