Ливерпул продолжува да доминира во англиската Премиер лига, откако вечерва со убедливо 5:0 победи и тоа на гостински терен кај Вест хем во Лондон. Ова беше 14-та победа за Ливерпул во 18 коло и со 45 бодови е убедлив лидер на табелата. најблиску до лидерот е Нотингем Форест кој има 37 бодови, но и меч повеќе одиграно.
Точно половина час домаќините даваа отпор на фаворитот, а потоа се случи потоп. Луис Дијас погоди за 1:0, а до крајот на првото полувреме гостите постигнаа уште два погодоци. Коди Гакпо зголеми на 2:0 во 40 минута.
Полувремето едноставно како да не смееше да помине без погодок на Мохамед Салах. Египќанецот погоди за 3:0 во 44 минута.
Во второто полувреме ситуацијата на теренот не се промени. Трент Александер-Арнолд зголеми на 4:0 во 54 минута со прекрасен шут од далечина, а точка на голеадата стави Диого Жота со погодокот во 84 минута.
