Еден од најмоќните фудбалски менаџери во светот, Фали Рамадани, му го договори трансферот на кариерата на Милош Керкез. Рамадани, кој е роден во Македонија, посредуваше во трансферот на унгарскиот репрезентативец од Борнут во Ливерпул.
Преговорите се во завршна фаза и се чека само официјална потврда на трансферот. Керкез, кој имаше одлична сезона во Борнмут, ги договорил личните услови со Ливерпул и треба да остане во англискиот гигант од „Енфилд роуд“ во следните пет сезони.
За направениот трансфер се очекува Борнмут да добие меѓу 45 и 50 милиони евра.
„Левиот бек даде зелено светло за Ливерпул. Договорот до 2030 година е подготвен. Сега се чека да се договорат клубовите“, пишува реномираниот италијански новинар Николо Счира.
За Керкез се интересираа повеќе европски гиганти, но Ливерпул е најконкретен и само треба двата клуба да се договорат за да се комплетира овој трансфер.
Борнмут е екипата која доминира во овој период затоа што успеа да продаде двајца фудбалери во европски гиганти и да заработи над 100 милиони евра. Пред неколку дена беше комплетиран трансферот на Дин Хујсен во Реал Мадрид за 60 милиони евра.
