Раководството на Ливерпул има намера во најкраток рок да започне преговори за продолжување на договорот на Алексис Мекалистер.
Приоритет за Црвените е долгорочно да го обврзат аргентинскиот играч од средниот ред, кој се наметна како клучна фигура во тимот по неговото доаѓање од Брајтон во летото 2023 година.
NEW:
— The Anfield Buzz (@TheAnfieldBuzz) December 24, 2025
Liverpool will be keen to begin concrete talks over a new deal for Mac Allister, particularly with Real Madrid reported to be long-time suitors. 🚨 💣
[@IanDoyleSport] pic.twitter.com/l5Q6ahQ47S
Овој потег е условен и од зголемениот интерес за фудбалерот, бидејќи, според информациите, Реал Мадрид подолг период внимателно ја следи ситуацијата околу Мекалистер. Токму поради тоа, Ливерпул сака навреме да го неутрализира надворешниот притисок и да ја обезбеди иднината на еден од своите најважни играчи.
Во тековната сезона, 27-годишниот светски шампион има постигнато еден гол и има запишано две асистенции на вкупно 24 настапи во сите натпреварувања. Неговиот договор со Ливерпул важи до летото 2028 година.
