Ливерпул беше меѓу екипите кои потрошија најмногу минатото лето, но резултатите оваа сезона изостанаа. „Црвените“ се далеку од одбрана на титулата во Премиер лигата, а раководството на клубот не планира да сопре со трошење.
Сега подготвуваат 100 милиони евра за фудбалерот од средниот ред на Реал Мадрид, а Флорентино Перес тешко дека ќе ѝ одолее на оваа понуда.
Актуелниот шампион на Англија е подготвен да ја плати оваа сума за Едуардо Камавинга, фудбалер кој има договор до 2029 година, а во моментов се проценува дека вреди 50 милиони евра.
Тоа е двојно повеќе од неговата вредност, па од тука се и слатките маки на Флорентино Перес.
