Ливерпул на свој терен одигра само 1-1 против Кристал палас, па по две кола, има само два бода и веќе заостанува четири бода зад ривалот Манчестер сити.
Црвените доминираа во поседот на топката и според бројот на упатени шутеви кон голот, но Палас добро се бранеше и од контри го загрозуваше голот.
Ливерпул на шест меча по ред во Премиер лигата прв прима гол, но не загуби ниту еден од тие шест меча. За Мохамед Салах продолжи лошата традиција, никогаш нема дадено гол во второ коло од една сезона.
Гостите поведоа преку Вилфрид Заха, а погодокот на Ливерпул беше прекрасен и дело на Луис Дијаз по неколку минути откако Дарвин Нуњез доби црвен картон за удирање со глава на противнички играч.
