Ливерпул му го продолжи договорот на голманот Алисон Бекер до јуни 2027 година. Ова е трет голем потпис за Црвените во изминатиов период, откако претходно нови договори добија Трент Александер-Арнолд и Фабињо.
По трансферот од Рома во летото 2018 година, за кој Ливерпул издвои речиси 65 милиони евра, Алисон се наметна како еден од најдобрите чувари на мрежата на Островот. Со неговите одлични партии придонесе за тимот на Јирген Клоп да ги освои титулите во Лигата на шампионите, Премиер лигата, Суперкупот на УЕФА и Светското клупско првенство.
„Воопшто не беше тешка одлуката да ја продолжам соработката. Среќен сум што ќе бидам во клубот уште многу години и ќе помагам да редиме нови успеси. Со семејството веќе сме навикнати на животот во Англија, иако сме далеку од родната земја. Мене ми преостанува да работам напорно за да ѝ помогнам на екипата да продолжи да ги остварува зацртаните цели“, истакна Алисон при потписот на новиот договор.
https://twitter.com/LFC/status/1422949533823156232
