Млад француски репрезентативец треба да биде замената за Мохамед Салах во Ливерпул, барем според медиумите од Островот. Црвените се очекува налето да тргнат по потписот на 21-годишниот Мохамед-Али Чо од екипата на Ница. Неговата моментална вредност е само 12 милиони евра, а има договор до 2028 година, па оваа сума нема да претставува поголем проблем за екипата од „Енфилд“.
Чо е младински репрезентативец на Франција, а неговата кариера има интересен тек. Во младинските категории настапуваше за ПСЖ и за Евертон, а сениорското деби го имаше за екипата од Анже. Од таму беше продаден на Реал Сосиедад за 13 милиони евра, а од таму премина во Ница за 10 милиони евра.
Договорот на Мохамед Салах со Ливерпул истекува на крајот од оваа сезона и во моментов нема информации околу неговото продолжување, па очигледно раководството на Црвените веќе ги разгледува опциите за негова замена.
