Интер и Баерн Минхен се на 45 минути од пласман во четвртфинале во кое ќе играат еден против друг, а Ливерпул и ПСЖ ќе водат голема битка за место меѓу осумте најдобри во Лигата на шампионите.
Во Милано, Интер по првото полувреме има 1-1 против Феенорд, но италијанскиот тим на првата средба победи со 2-0 и засега не е загрозен. Маркус Тирам даде убав гол за водство, гостите од Холандија израмнија преку пенал.
На германското дерби Баер – Баерн во Леверузен нема голови, Леверкузен нема ниту еден шут во рамки на гол, а тоа им одговара на гостите од Баварија, кои триумфираа со 3-0 на првиот меч.
Најинтересно е во Ливерпул, каде што ПСЖ со гол на Усман Дембеле води со 1-0, па ако вака заврши по 90 минути, ќе има продолженија. Парижаните покажаа дека се опасни и не се плашат од Црвените, против кои доминираа на првиот меч, но не знаеја да дадат гол и беа казнети. Сега дадоа гол кога Ливерпул беше најопасен и тоа ветува интересно второ полувреме.
