Само еден гол беше постигнат на првите два меча од Лигата на шампионите. Ливерпул останува единствената максимална екипа во новиот формат на Лигата на шампионите откако со минимални 0-1 славеше на гостински терен против Жирона, која настапи без нашиот Бојан Миовски.
Единствениот гол за Црвените беше дело на Мохамед Салах во 63-тата минута од пенал.
Стефан Ристовски како капитен го предводеше Динамо Загреб до реми без голови, 0-0, против Селтик на домашен терен. Шампионот на Хрватска со ова реми дојде до осмиот бод во Лигата на шампионите и останува во одлична позиција да ја мине групната фаза.
