Јувентус уште пред извесно време најави дека во новата сезона нема да смета на Артур Мело и беше очекувано тој да си замине, но неочекувано е тоа дека фудбалерот кариерата ќе ја продолжи во Ливерпул.
Двата европски гиганти постигнале договор за Мело и Бразилецот до крајот на сезоната ќе игра како позајмен играч во Ливерпул. Доколку бидат задоволни од играчот за врска, англискиот клуб ќе има можност да го откупи неговиот договор следното лето.
https://twitter.com/i/status/1565260236881010688
Бразилецот денеска треба да ги одработи лекарските прегледи во Ливерпул и договорот да биде комплетиран. Мело во Јувентус дојде во 2020 година, но минатата сезона не ги оправда очекувањата на тренерот Максимилијано Алегри и го загуби местото во стартниот тим.
