Репрезентацијата на Франција првпат после 12 години има порази во низа, па очекувано има критики кон фудбалерите и селекторот. Од играчите најмногу на удар е Килијан Мбапе, од и најмногу се очекува.
Фудбалерот на Реал Мадрид, пред мечот против Италија (1-3) беше прашан каква реакција очекува од навивачите на „Паркот на принцовите“, а тој одговори дека не размислувал за тоа и е фокусиран само на фудбалот.
Ваквиот одговор предизвика реакција од легендата на францускиот фудбал, Биксент Лизаразу, кој отворено го критикуваше фудбалерот на „кралевите“.
„Прес-конференцијата на Мбапе од четвртокот ме изненади и збуни. Изјавите кои ги даде не беа достојни за лидер, а уште помалку за капитен. Не може да бидеш рамнодушен кон чувствата на француските навивачи, нивните фрустрации и прашања. Требаше барем да се обиде да одговори нешто, да им даде надеж. Тоа е дел од рабтата на професионален играч и емоционална врска мора да постои со навивачите.“ – рече Лизаразу.
