Ливерпул изгледа моќно и незадржливо и сосема заслужено е убедливо прв во Премиер лигата, а во недела го чека гостување кај Вест хем во Лондон. Тренерот на „чеканите“, Хулиен Лопетеги, делува самоуверено пред мечот и најавува дека неговата екипа не се плаши од „црвените“.
„Дали ми е страв? Не, воопшто. Имаме голема почит кон секој противник, така е и кога играме против Саутемптон, но и кога играме против Ливерпул. Тие се најдобрата екипа во Премиер лигата. Имаат супер играчи, многу добар тренер и во моментов се на врвот на табелата, но ние мора да веруваме во нашиот квалитет. Ќе морам да најдам некои решенија за овој меч.“ – вели Лопетеги.
Ливерпул нема пораз на последните 22 меча во сите натпреварувања, а само три од овие натпревари завршија нерешено, на сите останати се радуваа избраниците на Арне Слот.
