Реал Мадрид останува без столбот на одбрата, Антонио Ридигер, кој ќе го пропушти крајот на првенството. Германецот беше заменет во продолженијата од мечот против Барселона, а потоа направи и скандал кога влета во теренот и фрлаше со предмети по судијата. Ридигер се извини за постапката, за која доби и црвен картон.
Од Кралскиот клуб информираа дека германскиот интернационалец денес е успешно опериран поради мускулна повреда и нема да биде на располагање околу два месеца. Тоа значи дека ќе мора без него да ја бркаат Барселона во Ла Лига, во обид за одбрана на титулата, а нема да биде дел ниту од јунскиот репрезентативен прозорец.
Останува неизвесно дали ќе игра и на Светското клупско првенство, за кое би бил подготвен евентуално за нокаут-фазата.
