Тениската икона Новак Ѓоковиќ се повреди на натпреварот против Карлос Алкарас во четвртфиналето на Отвореното првенство на Австралија, а во полуфиналето со Александер Зверев издржа само еден сет, по што се предаде.
Имаше негативни коментари дека Ѓоковиќ лаже дека е повреден, па дури и самиот тенисер за да го негира тоа, на социјалните мрежи објави снимка од скинатиот мускул во задниот дел на бутниот мускул на ногата.
Снимката ја виде американски експерт за тенис, кој вели дека руптурата е прилично длабока, проблем е што станува збор за голем мускул и вообичаено за закрепнување од ваква повреда потребно е време од околу два месеца.
Ова значи дека Новак наверојатно ќе ги пропушти Мастерсите во Индијан Велс и Мајами, кои се играат во март. Ѓоковиќ во минатото брзо и успешно пребродуваше вакви и слични повреди, останува да се види сега колку ќе паузира и дали ќе се врати за Мастерсот во Монте Карло, кој се игра на земјена подлога и почнува на 5 април.
