Пред околу две недели, Жозе Мурињо беше цел на критики откако го фатија како тренира во парк со неколку првотимци на Тотенхем. Португалскиот стратег се извини за непромислениот потег, но се чини дека во клубот не ја научија лекцијата.
Овојпат мерките ги прекршија Серж Орие и Муса Сисоко. Двајцата француски фудбалери тренираа заедно, а Орие веднаш го отстрани видеото кое се појави на социјалните мрежи како тренираат заедно. Двајцата се извинија во заедничко соопштение и истакнаа дека ќе ѝ донираат средства на Националната здравствена организација на Англија.
