Познатата англиска компанија „Дулукс“ влета во неочекуван проблем на првиот ден како официјален спонзор на Тотенхем, а целата ситуација наиде и на потсмев на социјалните мрежи.
Фирмата што ќе го снабдува познатиот англиски премиерлигаш со бои се изрезили со неколку коментари на „Твитер“ од официјалниот налог, па потоа ги избришаа коментарите и се извинија.
Од „Дулукс“ се пофалија со соработката со Тотенхем, но потоа се разви неочекувана дискусија, што доведе до голем сеир.
Еден од навивачите на Спарс напиша дека трофејната соба на клубот е празна и дека комотно може во неа да се сместат канти со бои од новиот спонзор, а на потсмевот се приклучи и „Дулукс“.
Поставија фотографија со дел од трофејната соба на Тотенхем со наслов „За продажба“, а местото каде што треба да стојат трофеите го именуваа со „Неискористен кабинет за трофеи“.
Киксот се обидоа веднаш да го сокријат, ги избришаа сите коментари на „Твитер“ и се извинија и најавија истрага во фирмата за целиот случај.
We’re deeply sorry for the posts from Dulux this morning in response to the announcement of our relationship with @SpursOfficial.These do not reflect how proud we are to be the Official Paint Supplier of the Club. We’re investigating what happened and apologise to all Spurs fans.
— Dulux UK | Colour & Inspiration (@duluxuk) April 15, 2021
