Дејан Ловрен, дефанзивецот на Ливерпул, смета дека овој тим предводен од Јирген Клоп може да ја продолжи доминацијата и во следните неколку години. Хрватскиот стопер во интервју за „Скај спортс“ истакна дека Црвените нема да застанат и по освојувањето на титулата во Премиер лигата, која е речиси осигурена со оглед на бодовната предност.
„Ни беа потребни 2-3 години да се воиграме, а оваа сезона резултатите докажуваат дека одлично се разбираме на теренот како екипа. И лани бевме исто така квалитетни, останавме без титулата за еден бод, но напредокот е очигледен и сме гладни за успех. Сакаме да нè паметат како Барселона, која за 4 години освои 20 трофеи, сметам дека можеме тоа да го направиме“, вели Ловрен.
По освоената шеста титула во Лигата на шампионите, Ливерпул оваа сезона е на прагот да го донесе толку посакуваниот шампионски пехар на „Енфилд“, кој веќе 30 години навивачите го чекаат.
"In four years Barcelona won 20 trophies… why can't we do that?
"We want to be remembered as one of the best teams ever"pic.twitter.com/27YNrrYBgq
— The Anfield Wrap (@TheAnfieldWrap) February 11, 2020
