Швајцарскиот тим на Лозана ќе игра во групната фаза од Конференциската лига на УЕФА, откако синоќа славеше со 1:0 на гости во Истанбул против Бешикташ.
Првиот меч во Лозана заврши 1:1, па турскиот гигант на свој терен ја имаше фаворитската улога. Сепак, Лозана покажа дека е многу квалитетен тим и не само што не се предаде туку на крајот и победи со 1:0, доволно да го елиминира Бешикташ.
Лозана е тимот кој летово играше и против Вардар во конференциската лига и загуби во Скопје со 2:1, но затоа победи убедливо со 5:0 на свој терен.
Сега, по победата над Бешикташ и елиминацијата на турскиот гигант, цехот за неуспехот на екипата од Истанбул го плати тренерот Оле Гунар Солскјер. Некогашниот норвешки голгетер доби отаз по поразот од Лозана.
