Барселона и Еспањол одиграа нерешено 1:1 во меч од 15. коло на шпанското првенство. Алонсо погоди по само седум минути игра и донесе водство на Барселона, но Еспањол израмни благодарение на погоокот од пенал на Јоселу во 73 минута.
Освен двата погодоци, ова градско дерби ќе се памти и по многуте жолти и црвени картони кои ги покажа главниот судија Матеу Лахоз. до 73 минута, кога беше покажан пенал за гостите, имаше само пет жолти картони, а последните 20-тина минути беа хаотични.
Лахоз покажа дури 10 жолти картони и два црвени во последните 20 минути, па на крајот, билансот е 15 жолти картони и две исклучувања, Алба кај Барселона и Соуза кај гостите.
Со овој освоен бод Барселона се врати на првото место на табелата со 38 бодови, колку што има и Реал Мадрид, но Кралскиот клуб е втор поради послабата гол разлика.
