Бенфика со неверојатен пресврт дојде до победа од 2-1 во градското дерби против Спортинг Лисабон.
Досега непоразениот Спортинг водеше со 1-0 по првото полувреме, а речиси цело второ го играа со човек помалку, по исклучувањето на Гонсало Инасио. Лавовите се бранеа добро до 93-та минута, а тогаш примија гол и психички паднаа. Овој гол за 1:1, може да го видите ТУКА. Шокот стана двоен кога во 97-ма минута Орлите во црвени дресови постигнаа и втор гол за победа.
Сега двата тима имаат ист број бодови, три повеќе од третиот Порто.
За драмата да биде целосна, голот за 2-1 кој го даде Тенгстед прво беше поништен од судиите поради наводен офсајд, а по прегледување на снимка беше признат.
https://twitter.com/i/status/1723831182733791320
