Атлетико Мадрид и Реал Мадрид одиграа 1:1 во мадридското дерби кое го одбележа осмото коло на Примера дивисион. Фудбалска лудница која траеше повеќе од два часа на „Ванда Метрополитано“ на крајот заврши со нерешен резултат.
По првото полувреме немаше голови, но потоа во второто полувреме се случи нешто што долго време ќе се памти.
Се играше 64 минута кога беше досуден слободен удар за Реал Мадрид. Кралевите одиграа уиграна акција, по која, Винисиус јуниор нафрли, а Едер Милитао остана осамен на втората статива и биеше силно и прецизно затресувајќи ја мрежата на Јан Облак.
Само две минути по голот на Реал, следуваше прекинот. Судијата досуди една топка за Реал, па следуваше жестока реакција од навивачите на Атлетико Мадрид. Мета на нападот беше голманот Тибо Куртоа (во минатото бранеше за Атлетико Мадрид).
It is getting heated in the Madrid derby…
Diego Simeone had to go over to the Atletico Madrid fans in the crowd and tell them to stop throwing items at the Real Madrid players.pic.twitter.com/VlJV7ol6zE
— george (@StokeyyG2) September 29, 2024
По 15 минути прекин, дербито продолжи, а Атлетико Мадрид со сите сили тргна во напад да израмни.
Тоа се случи во 90+5 минута кога Кореа погоди за 1:1 и тоа откако прво голот беше поништен поради офсајд, но ВАР техниката покажа дека погодокот е регуларен.
По ова реми, Реал Мадрид остана на второто место на табелата со 18 бодови, три помалку од лидерот Барселона, додека Атлетико Мадрид е трет со 16 бодови.
